شرح وتفسير

هل تشاهد عن كثب؟ – شرح نهاية فيلم The Prestige

شرح نهاية فيلم The Prestige

مبدئياً كده مش محتاج انوه طبعاً ان المقال يحتوي على حرق احداث فيلم The Prestige  فطبعاً لو متفرجتش علي الفيلم متكملش المقال.

شرح نهاية فيلم The Prestige

 يحكي فيلم The Prestige عن أحداث التنافس بين اتنين سحره، (ألفريد بوردون) و (روبرت أنجير) بعد ما كانوا اصدقاء بس حصل حادث مأساوي أدى لوفاة زوجة (روبرت) عن طريق خطأ من (أنجير) و يبدأوا في التنافس و سرقة أسرار بعض وكل واحد يحاول يتخلص من التاني و يبقي احسن ساحر على الساحة حتى لو في سبيل تضحياتهم بحاجات مهمة في حياتهم

هل تشاهد عن كثب؟ - شرح نهاية فيلم The Prestige 1

 

نبدأ في شرح نهاية فيلم The Prestige :

طبعاً الهوس و الجنون وصل بيهم لدرجة عالية جداً لدرجة أن (روبرت) أدعي موته عشان يلبس تهمة قتله ل (ألفريد) و يتخلص منه و ده حد كبير من الجنون انه ينهي حياة أب و يدمر حياة ابنته و يدعي وفاته لمجرد الانتقام منه. بس السؤال هو ازاي؟ (ألفريد طلع الجثة بنفسه من الصندوق و (كارتر) مصمم الخدع بتاع (روبرت) شاف الجثة بعينيه في المشرحة طب ازاي؟ 
المهم (روبرت) راح ل (ألفريد) للسجن ببنته عشان تودعه و عشان يوريله انه عايش فبيبدأ (ألفريد) بالصراخ فيه انه لازم يوقف كل ده و انه كده هيتشنق بسببه و بيبدأ يصرخ في الحراس ان هو ده الشخص اللي هو متهم بقتله لكن لا حياة لمن تنادي.
المشهد اللي بعده بيبقي حديث بين (ألفريد) و (فالون) مصمم الخدع بتاعه و هو حديث غريب اوي بين واحد و مصمم الخدع بتاعه و المشهد ده كان بالظبط ١:٥٣:٤٠ بيبدأ يقوله عيش حياتك و عيش عشانا احنا الاتنين و اسف علي كل حاجة و آسف علي ساره…الخ. فطبعاً ده بيسببلنا حيره اكتر بعدها يجي المشهد اللي شارح كل حاجه.
في طريق (ألفريد) للمشنقه كان (روبرت) بينقل الآله بتاعته للمخزن بتاعه و اول ما يتم تعليق جثة (ألفريد) علي المشنقة، بنلاقي كورة (ألفيرد) المطاطية الحمرا بتنط من الظلام لابد (روبرت) و فجأة من وسط الضلمة تخرج رصاصة في (روبرت) و يخرج شخص من الضلمه و نتفاجئ انه (ألفيرد) و يبدأ بقي شرح كل حاجة. هم اتنين توأم كانوا بيتابدلوا حياتهم واحد كان في دور (ألفريد) والثاني في دور (فالون) مصمم الخدع و كانوا بيساعدوا بعض في العروض المسرحية و ما الي ذلك و ذه كان واضح جداً في المشهد ١:٢٧:٤٠ لما (ألفريد) كان رايح ل (أوليفيا) بس كان لازم يودي بنته حديقة الحيوان فراح ل (فالون) و قله يصطحبهم هو.
بعدها يبدأ روبرت بشرح بشكل غير مباشر تفسيره لتزييف وفاته. الآله اللي صنعها (تيسلا) طلعت بتستنسخ الأشياء. فكل عرض مسرحي كان (روبرت) بيدخل الآله يطلع منه مستنسخ و الشخص اللي علي المسرح ينزل في باب سري علي صندوق المياه و يغرق والشخص التاني كان بيطلع علي المسرح من الناحية التانيه. روبرت كل يوم بيبقي في مخاطرة انه ممكن يكون هو اللي هيغرق مش المستنسخ و كل ده ليه؟ علي أمل ان يجي يوم و ينزل (ألفريد) للكواليس و يُتهم بقتله و ده اللي حصل فعلاً.
نهاية فيلم The Prestige انتهت علي موت (روبرت) و (ألفيرد) “واحد من التوأم” بيروح ياخد بنته من (كارتر) و يهزوا رأسهم لبعض في صدمه ان (كارتر) كان عارف.
امن جمال
محب للأفلام البسيطة والغير معقدة مخرجي المفضل مارتن سكورسيزي و كريستوفر نولان.

    Comments are closed.