لماذا اطلق على الأفلام الفن السابع

ليه اللقب ده بيطلق على الفن السينمائى ؟؟

لازم نعرف أن اللقب ده مش جديد ، اللقب ده المؤرخين بيقولوا أنه يرجع للقرن ال 19.

واختلفوا ف مين صاحب إطلاق هذا اللقب ، ولكنهم اتفقوا على شخصين هما اللي ظهر اللقب ده ف كتبهم ومؤلفاتهم وهما

الناقد الفني الفرنسي صاحب الأصول الإيطالية ريتشيوتو كامودو ” Riciotto Camudo”

الفيلسوف الفرنسي أيتين سوريو ” Étienne Souriau”

طيب أطلقوا اللقب ده ليه ؟؟

– كل واحد فيهم ليه نظرية

– عمنا سوريو الفيلسوف جمع كل الفنون وعمل ترتيب زمني لظهورهم لقى الفن السينمائى رقمه السابع فقالك يبقى لقبه الفن السابع.

– أما عمنا كامودو الناقد برغم اتفاقه مع الترتيب السابق لكن قال إن الفن السينمائى بيترتب من ست فنون اخرى ورتبهم فقال إن العمارة والموسيقى هما أعظم الفنون ويأتي بعدهم الرسم والنحت والشعر والرقص ، وأن السينما جاءت لتجمع هذه الفنون الستة وتخلق منهم فن سابع مغاير عن صورة كل فن منفرد فيهم .

ولهذا استحقت لقب الفن السابع.

بقلم : احمد عبده