مراجعات

ربنا بيراقب عبيده في السما واحنا ايه غير بشر بنقلد الفكره – مراجعة فيلم الأصليين

ربنا بيراقب عبيده في السما واحنا ايه غير بشر بنقلد الفكره - مراجعة فيلم الأصليين 1

الي مفهمش الاصليين تقريبا دا شرح بسيط بالعاميه لفيلم الأصليين ، الفيلم للمخرج:مروان حامد و تأليف:أحمد مراد وموسيقي تصويريه : هشام نزيه و تصوير : احمد المرسي و ديكور : محمد عطيه و ملابس : ناهد نصر الله

طاقم العمل : خالد الصاوي – ماجد الكدواني – منه شلبي – هناء الشوربجي – كنده علوش.

ربنا بيراقب عبيده ف السما .. واحنا ايه غير بشر بنقلد الفكره

القصه

*إقراها بصوت خالد الصاوي*

سمير محمود عليوه .. موظف ف بنك خاص .. متزوج وعنده ولد وبنت .. بتدور احداث الفيلم حول عده محاور رئيسيه .. اولها الفتور الذي يسيطر علي الاسر في عصر الهواتف المحموله .. سمير يعاني من الروتين القاسي .. الذي قضي علي احلامه في الغناء .. سمير يهوي تجميع الجرائد القديمة لسبب مبهم .. سنه يجعله يستجيب لأستقاله قهريه من عمله بسبب حجه تغيير دم في المؤسسه وادخال العناصر الشابه بدل كوادر الخبره .. يخرج سمير في مرحلة بحث عن ذاته وبداخله مرحلة بحث عن شئ ما .. في اطار الغموض والابهام تتمحور احداث الفيلم حول فكرة المراقبه وادمان مواقع التواصل التي تؤثر بالسلب علي حياتنا الاجتماعيه .. عن طريق رمزيات اخري تبرز فكر المخرج بصوره عبقريه.

 

الاخراج

لفت نظري واكد ليه المخرج المهم مروان حامد علي عبقريته وقوة ثقافته عن طريق ثرد مقوله تايلور دردن (( نعيش حياتنا نؤدي وظائف لعينه نكرهها من اجل شراء اشياء لعينه لا نحتاجها)) وظفهها المخرج ووضعها في قالب الفكره عن طريق لقطات سريعه من فراخ مذبوحه ومقطعه ومعروضه علي ارفف السوبر ماركت الي اصطفاف اكياس البضائع في العربه واصطفاف الاكياس في شنطة السياره مع مؤخره كبيره لزوجه تسلخ في لحم وراتب رجل بالغ الاعتياديه بأن يكون مميزا في اي شئ وينهوا خلافهم عن طريق طلب اكله بنت عصرهم وهي البيتزا قبل ان تلقي الحداثه بمواطنها المخلص خارج عمله بحجه حاجة العمل لموظفين اصغر براتب اقل .. إمتاز اخراج مروان حامد الاكاديمي المحبوك في عرض الافكار بطريقه سلسه لمن يتوقع فيلم مختلف مثل افلام المماطله التي لا تعتمد علي مشاهد الاكشن المثيره والشيقه .. اثبت جدارته مروان حامد في قدرته علي اخراج اعمال مختلفه اختلاف جذري في وقت قصير

(احنا روح الوطن .. حراس الارض الاصليين يا سمير)

ربنا بيراقب عبيده في السما واحنا ايه غير بشر بنقلد الفكره - مراجعة فيلم الأصليين 2

التصوير

تصوير فيلم مثل فيلم الاصليين في نظري هو مهمه ليست بالسهله .. لان نقل الرمزيه الي الشاشه يحتاج الي مصور طوع كل حواسه لفكرة الفيلم .. وهذا ما تعودنا عليه من أحمد المرسي بعد تجربة فيلم الفيل الازرق وافراح القبه واسوار القمر .. استطاع ان يثبت قدمة مع العمالقه.

*************************************

(المغزي من فيلم الاصليين)

الفيلم فيه اكثر من بعد غير انه بيتكلم عن المراقبه .. الفيلم بيناقش النفس البشريه بشكل اوسع بكتير .. وانك ك شخص لو حاولت توصل لميزه واحده من مميزات خالقك هيحصلك خلل وانهيار نفسي فظيع لعدم تحمل عقلك للقدرة دي .. نفس الي حصل معاه لما راقب حياه مراته وابنه .. تاني حاجه هو ناقش النظام الروتيني الي بيحطم الاحلام عند الانسان .. سمير كان نفسه يغني ف برنامج المواهب بس فشل بسبب انخراطه ف نظام روتيني عشرين سنه وف الاخر خرج منغير اي حاجه .. كمان بيناقش فكرة تجديد الدم لدي البنوك الي من وجهة نظره ليس لها اي صلة بالتجديد سوي انها بتجيب بنات حلوه تشغل العملاء وخلاص .. رابع حاجه الفيلم ناقش فكرة المراقبه الي ظهرت مؤخرا عن طريق ال smartphone المحدثه بشكل مبالغ واختراق خصوصية البني ادم واستخدام المعلومات دي في حاجات كتير ممكن تضرك .. خامس حاجه الفيلم ناقش ادمان السوشيال ميديا واثره علي الترابط الاسري .. سادس حاجه ودا ابرز معاني الفيلم .. الفيلم كان فيه الرمزيه المهمه الي كانت الكاميرا فيها close up علي منه شلبي لفتره طويله يعني المخرج عايز يقولك ان الفيلم اهوه دا المغزي .. رمزيه زهرة اللوتس .. زهرة اللوتس الي كانت ظايما بترمز للتوازن البيئي للفراعنه .. هنا استخدمها ان لازم يكون فيه توازن مجتمعي في الوطن .. لازم يكون فيه سيطره موزعه مش فرد واحد مسيطر علي كل خبايا الوطن .. اخر حاجه الفيلم مش سهل يتفهم الفيلم فيه حاجات كتير جدا لو ركزت في السيناريو والحوار المخروط بخرطه غريبه هتحس ان فيه رساله مهمه بتتقدم من بين السطور .. روعة الاخراج والاداء التمثيلي الممتاز للرائع خالد الصاوي خريج مدرسة الاقناع هو وخالد صالح قدر يقدم دور من احلي ادواره .. ادي الي اقتناعي التام بچوكرة الممثل ده .. انه قادر يتلون زي ما المخرج عايز .. في النهايه انا هحط الفيلم دا ف قايمة اعظم افلام السينما المصريه.

 بقلم : محمد ياسر

ربنا بيراقب عبيده في السما واحنا ايه غير بشر بنقلد الفكره - مراجعة فيلم الأصليين 3

Behind The Scene
بيهايند هي كيان سينمائي مصري متخصص فى مجال ترشيحات الأفلام والمسلسلات وتقديم تغطية لكافة الاخبار الفنية في السينما والدراما