اخبار

افلام لن ينساها التاريخ لـ كريستيان بيل

افلام كريستيان بيل

بعيداً عن موضوع وزن كريستيان بيل اللي بيلعب بيه بكل سلاسه خلينا نتكلم عن ادواره شويه لآني مش هقيس قوه ممثل واربطها بقدرته علي تغير وزنه او المكياج مثلا .. ده مثلاً .. وطبعا مش هننكر ان ده اجتهاد منه ..

كريستيان بيل ممثل متميز جداً وليه اعمال كتير جداً جميله ابدع فيها بس هنتكلم عن اهم وافضل اعماله ..

 

– كريستيان بيل ابدع في دور النصاب المحترف واقتنعنا اقتناع كامل انه فعلا نصاب في فيلم. American hustle ..

AmericanHustle

– ودوره كمان في فيلم The fighter الملاكم اللي كان مشهور وقوي وبعدين يتحول لمدمن ومشاكله بتبدأ تكتر مع الوقت غير الضغوط النفسيه اللي حواليه وده بالنسبالي من افضل ادوار كريستيان بيل واستحق الاوسكار بجداره عن الفيلم ده …

افلام لن ينساها التاريخ لـ كريستيان بيل 1

– ثلاثيه باتمان شايف مع انها من اقل ادواره الا انه ادي دور بروس وين بكل براعه ومحدش زيه هيعمل بروس وين ويقدمه بالشكل العظيم ده ويوصلنا معاناته

افلام لن ينساها التاريخ لـ كريستيان بيل 2

The machnist 

من اكتر الافلام اللي بحبها وبالنسبالي رقم واحد لكريستيان بيل وهو ده الفيلم اللي حببني فيه .. دور معقد جداً تعمق فيه كريستيان بيل بكل سهوله لدرجة احساسنا بمعاناته مع تأنيب الضمير وقله النوم اللي عشناهم معاه طول الفيلم …

افلام لن ينساها التاريخ لـ كريستيان بيل 3

American psycho

تاني افضل دور لكريستيان بيل من وجهة نظري … ايجاد في تأديه دور الشخص الغني المضطرب نفسياً اللي عنده استعداد لآذيه اي شخص يستفزه او يحسسه انه اقل منه .. واحد من افضل الادوار السيكوباتيه في تاريخ هوليوود قدمها لينا كريستيان بيل بكل براعه واتقان ..

افلام لن ينساها التاريخ لـ كريستيان بيل 4

واخيراً مش هننسي فيلم The prestige

بالتعاون مع هيو جاكمان .. انسجام اكتر من رائع وملحمه تمثيليه جوا الفيلم لايجاد الافضل منهم مش بس ضمن قصة الفيلم لا كمان صراع لاثبات مين الافضل والاتنين قدموا دورين حلوين جداً جداً محدش ينساهم ولا ينسي الحرب اللي كانت بينهم وانفعالاتهم وردود فعلهم …

 

كريستيان بيل واحد من افضل الممثلين في جيله ممثل مجتهد جداً وموهبته كبيره وكل اختياراته موفقه وكل فيلم ليه مختلف عن التاني ممثل يبهرك ويقدملك دايماً حاجه جديده ومتميزه .. بيعرف يقدم الادوار الصعبه بكل سهوله وقدرة عاليه جداً علي اقناع المشاهد بكل شخصيه بيعملها … موهبه جميلة جداً تستحق مننا كل احترام … افلام لن ينساها التاريخ لـ كريستيان بيل 5

بقلم : حسن سلامة

Behind The Scene
بيهايند هي كيان سينمائي مصري متخصص فى مجال ترشيحات الأفلام والمسلسلات وتقديم تغطية لكافة الاخبار الفنية في السينما والدراما